Турэцкі рэйс Стамбул — Эр-Рыяд экстранна прызямліўся ў Антальі. Паводле звестак спецыялізаванага выдання Hava Sosyal Medya, прычына пазапланавага прызямлення — крыкі пра дапамогу з багажнага аддзялення.
Праўда, пасля абследавання пярэдняй часткі грузавога адсека, з якога былі чуваць крыкі, нікога не знайшлі. Для праверкі выкарыстоўвалі нават мабільны рэнтгенаўскі апарат, але безвынікова.
Што гэта былі за гукі і адкуль, пакуль высвятляецца.